Qazaqstan Syrtqy ister mınıstrligi Nepaldaǵy sý tasqyny kezinde habarsyz ketken taǵy bir qazaqstandyq azamatshany izdeý jalǵasyp jatqanyn habarlady, dep habarlaıdy infohub.kz saıty.
Vedomstvonyń baspasóz qyzmetinen NUR.KZ tilshisine habarlaǵandaı, qazirgi ýaqytta Nepal men Qytaı shekarasyndaǵy tabıǵı apat aımaǵynda bolýy múmkin eki qazaqstandyq azamatsha izdestirilýde. «Buǵan deıin habarlanǵandaı, olardyń biri týrısik top quramynda eki el arasyndaǵy shekaradan ótken. QR SİM jergilikti memlekettik organdarmen jumys istep, otandastarymyzdyń týystarymen baılanysta», — delingen habarlamada.
Eske salaıyq, buǵan deıin Qytaı men Nepal arasyndaǵy shekara ótkeli aýdanynda jer kóshkini júrip, bul jol qozǵalysyna, baılanys pen elektrmen jabdyqtaýǵa áser etkeni belgili bolǵan. Keıin kúshti sý tasqyny saldarynan myńdaǵan adam habarsyz ketkeni habarlandy. İri tasqynnyń sebebi jer silkinisi jáne odan keıingi jer kóshkini dep ataldy.
Osydan keıin Qazaqstan SİM el azamattary týraly alǵashqy derekterdi jarıalady. 27 tamyzda Qytaıdan Nepalǵa týrısik top quramynda ótken qazaqstandyq týrısi izdeý bastalǵany belgili boldy.