Qazaqstandyq tasjoldar boıynda jol boıy ınfraqurylymyn jańǵyrtý jalǵasýda. Qazirgi ýaqytta halyqaralyq jáne respýblıkalyq mańyzy bar joldarda 1 429 qyzmet kórsetý nysany jumys isteıdi, onyń 94%-y ulttyq standart talaptaryna sáıkes keledi, dep habarlaıdy infohub.kz.
2026 jylǵa qaraı standartqa sáıkes keletin nysandardyń úlesin 95%-ǵa jetkizý josparlanýda. Sonymen qatar, tasjoldarda qosymsha janarmaı quıý stansıalary, tamaqtaný pýnktteri jáne sanıtarlyq-gıgıenalyq toraptar paıda bolady.
Qazir joldar boıynda 170-ten astam modýldik dárethana ornatylǵan. Taǵy 900-den astam tegin dárethana demalys aımaqtary men aıaldama pavılondarynda jumys isteıdi, olar júrgizýshiler men jolaýshylarǵa táýlik boıy qoljetimdi.
Nysandardy kútip ustaýǵa «QAJservıs» JSHS, jeke nysan ıeleri men jalǵa alýshylar jaýapty. Vedomstvo sanıtarlyq jáne tehnıkalyq jaǵdaıdyń kún saıyn tekseriletinin atap ótti.
Respýblıkalyq jáne halyqaralyq tasjoldarda 67 elektrqýattaý stansıasy jumys isteıdi. Zarádtaý ınfraqurylymy Qazaqstannyń kóptegen óńirlerin qamtıdy jáne onyń jelisi bıznes pen atqarýshy organdarmen birlesip keńeıtilýde.
Elektrqýattaý stansıalary jelisiniń damýy elektromobılderdi iri qalalarda ǵana emes, sonymen qatar óńiraralyq qashyqtyqqa saparlarda da keńinen qoldanýǵa jaǵdaı jasaýy tıis.