Qazaqstanda qunarly topyraq qabatyn shetelge shyǵarýǵa tyıym salynady, al jerdiń degradasıasyna kináliler ony qalpyna keltirýge aqy tóleıtin bolady. Mundaı sharalar «Topyraqty qorǵaý týraly» jańa zańda qarastyrylǵan, dep habarlaıdy Orda.kz.
Zań qunarly topyraq qabatyn shetelge shyǵarýǵa tyıym salady. Ony tek buzylǵan jerlerdi rekýltıvasıalaý, degradasıaǵa ushyraǵan ýchaskelerdi qalpyna keltirý, aýyl sharýashylyǵy alqaptaryn jaqsartý, sondaı-aq eldi mekenderdi kógaldandyrý úshin paıdalanýǵa ruqsat etiledi.
Topyraqty paıdalanýǵa shekteýler topyraqtyq, melıoratıvtik jáne agrohımıalyq zertteýler, bonıtetteý jáne monıtorıń nátıjeleri boıynsha engizilýi múmkin. Tyıym salynýy múmkin: jekelegen aýyl sharýashylyǵy daqyldary men bógde ósimdik túrlerin ósirý; jerdi óńdeýdiń keıbir tehnologıalaryn qoldaný; shabyndyqtar men jaıylymdardy jyrtý; degradasıaǵa ushyraǵan, ónimsiz jáne tehnogendik lastanǵan ýchaskelerdi paıdalaný.
Menshik ıeleri men jer paıdalanýshylardyń degradasıaǵa ushyraǵan topyraqty qalpyna keltirýge jumsaǵan shyǵyndaryn onyń buzylýyna ákelgen áreketteri nemese áreketsizdigi bar adamdar óteýi tıis. Bıznes óz jumysynyń jer jaǵdaıyna qalaı áser etetinin ózi baqylaýǵa mindetti.
Menshik ıeleri men jer paıdalanýshylar mamandardy topyraqty zertteý, sapasyn baǵalaý jáne monıtorıń júrgizý úshin ýchaskelerge jiberýge mindetteledi. Bul rette jerlerdiń agrohımıalyq jaǵdaıy týraly derekter bankindegi aqparat ashyq bolýy kerek.
Jerdi qalpyna keltirý úshin ýchaskeni paıdalanýdyń arnaıy rejımi engizilýi múmkin — jer paıdalanýdyń jekelegen túrlerin shekteýge nemese tyıym salýǵa deıin. Eger topyraqtyń qunarlylyǵyn qaıtarý múmkin bolmasa, ýchaskeni konservasıalaýǵa ruqsat etiledi.
Zań 2026 jylǵy qyrkúıekte kúshine enedi.
Buǵan deıin biz Aýyl sharýashylyǵy mınıstrliginiń ystyq pen qurǵaqshylyq respýblıkadaǵy eginge áser etpegeni týraly jaýabyn jazǵan edik.