Qazaqstan áýejaılarynda ushý bıletteriniń artqy jaǵynda jolaýshylarǵa terorızm aktisi týraly kórineý jalǵan habarlamalar úshin qylmystyq jaýapkershilik, sondaı-aq jekelegen zattardy tasymaldaýǵa tyıym salý týraly eske salatyn profılaktıkalyq materıaldar ornalastyryla bastady, dep habarlaıdy infohub.kz saıty.
Bas kólik prokýratýrasynyń málimetinshe, endi ushý bıletin alǵan jolaýshylar bomba týraly oılanbaı aıtylǵan «ázildiń» ózi qylmystyq jaýapkershilikke ákep soǵýy múmkin ekendigi týraly qosymsha habardar etiledi. Sondaı-aq eskertpede tasymaldaýǵa tyıym salynǵan zattar, onyń ishinde kastetter, atys qarýy, oq-dáriler jáne basqa da qaýipti buıymdar týraly aqparat bar.
Qazirgi ýaqytta mundaı tájirıbe Astana, Almaty, Túrkistan jáne Qaraǵandy halyqaralyq áýejaılarynda engizilgen. Jaqyn arada profılaktıkalyq materıaldardy elimizdiń basqa da áýejaılarynda ornalastyrý josparlanýda.