Qazaqstandyq Iasmına Islamova men Aldıar Ramazanov Býdapeshte ótip jatqan artısıkalyq júzýden jasóspirimder arasyndaǵy álem chempıonatynda kúmis júldeger atandy. Aralas dýetter baǵdarlamasynda olar ekinshi orynǵa ıe boldy, dep habarlaıdy infohub.kz.
Fınalda qazaqstandyqtar 248,1 upaı jınap, tek ıspandyq Arlet Arnan Santakrýs pen Eneko Sanches Agılardan ǵana qalys qaldy. Olar 263,3 upaımen altyn aldy. Qola júldeni japondyq Heıdzo Aıtaka men Manamı Dodo ıelendi — 246,9 upaı.
Islamova men Ramazanov úshin bul týrnırdegi ekinshi óner kórsetý boldy. Bir kún buryn dýet tehnıkalyq baǵdarlamada 208,4 upaımen besinshi orynǵa turaqtaǵan edi. Bul synda reseılikter Alına Rýmánseva men Zahar Trofımov (234,1 upaı) jeńiske jetti, ekinshi orynda ıspandyqtar Martına Garsıa men Eneko Sanches Agılar (221,7), úshinshi orynda qytaılyqtar Chen Keıýı men Szın Iansáo (217,5) turdy.
Aralas dýettiń kúmisi Qazaqstan quramasynyń chempıonattaǵy ekinshi júldesi boldy. Buǵan deıin Vıktor Drýzın erler arasyndaǵy jeke tehnıkalyq baǵdarlamada qola júldeger atanǵan.
Jasóspirimder arasyndaǵy álem chempıonaty (U19) Býdapeshte 12-16 tamyz aralyǵynda ótýde. Jarysqa 35 elden 300 sportshy qatysyp, 11 medal jıyntyǵyn sarapqa salýda. Qazaqstan atynan 12 sportshy synǵa túsýde.