Asa iri kólemde alaıaqtyq jasady dep kúdiktelgen Qazaqstan azamaty Grýzıadan Otanyna ekstradısıalandy, dep habarlaıdy infohub.kz.
Bas prokýratýranyń resmı Telegram-arnasynda habarlanǵandaı, búgin vedomstvo qyzmetkerleri men QR İİM Interpolynyń qyzmetkerleri Grýzıadan asa iri kólemde alaıaqtyq jasady dep kúdiktelgen Qazaqstan azamatyn jetkizdi.
Tergeý derekteri boıynsha, ol 2021 jylǵy qańtar men 2022 jylǵy aqpan aralyǵynda Atyraýda Kıprden páter satyp alýǵa kómektesemin degen syltaýmen aqsha aýdarymdaryn alyp, Qazaqstan azamatshasynyń 100 mln teńgeden astam qarajatyn jymqyrǵan.
Qylmys jasaǵannan keıin kúdikti jasyrynyp, halyqaralyq izdeý jarıalanǵan. 2026 jylǵy maýsymda ol Grýzıa aýmaǵynda ustalyp, Qazaqstan Bas prokýratýrasynyń suraýy boıynsha Otanyna ekstradısıalandy.
Qazirgi ýaqytta kúdikti tergeý ızolátoryna qamaldy. Aıyptalýshy qylmys úshin múlikti tárkileý jáne belgili bir laýazymdardy atqarý nemese belgili bir qyzmetpen aınalysý quqyǵynan on jylǵa deıin aıyrýmen 10 jylǵa deıin bas bostandyǵynan aıyrý jazasy qarastyrylǵan.