Qazaqstan úkimeti Reseımen shekaradaǵy kólik keptelisine baılanysty jedel keńes ótkizdi. «Álimbet», «Jaısan» jáne «Syrym» ótkizý pýnktterinde birneshe shaqyrymǵa sozylǵan kezek paıda boldy. Osyǵan baılanysty Kólik mınıstrligi jedel shtabtar qurdy, dep habarlaıdy infohub.kz saıty.
Úkimette qazaqstandyq ótkizý pýnktteri táýlik boıy jumys istep turǵanyn atap ótti. Respýblıka arqyly tranzıttik tasymaldaý kóleminiń maýsymdyq artýyna baılanysty vedomstvolar EAEO elderimen shekaradaǵy ótkizý pýnktterin jańǵyrtý jumystaryn kúsheıtti. Bul baqylaýdan ótý ýaqytyn qysqartýǵa múmkindik beredi.
«Sonymen qatar, júk tasymaldaýshylarǵa qolaıly jaǵdaı jasaý úshin basym ótkizý pýnktteriniń janynda júrgizýshilerge arnalǵan servıstik kútý aımaqtary qurylady», — dep qosty úkimette.
Bul jumystardy 2027 jyly aıaqtaý josparlanýda.
Birinshi vıse-premer Nurlybek Nálibaev shekaradaǵy avtokólik quraldarynyń úzdiksiz jáne jedel ótýin qamtamasyz etýdi tapsyrdy. Úkimet jaǵdaıdy óz baqylaýyna aldy.
Al ótkizý pýnktterinde turyp qalǵan adamdar áleýmettik jelilerde shekarada bes saǵattan astam kezekte turǵandaryna shaǵymdanýda.
«Petýhovo jaǵynan Reseı men Qazaqstan shekarasy. Kedende 5,5 saǵat boldyq. Sý ishkim keledi (sý bitti) jáne uıyqtaǵym keledi (biraq bolmaıdy). Mundaıdy alǵash ret kórip turmyn. Bul jolmen Qazaqstanǵa kólikpen júrmeńizder», — deıdi kýágerler.
Aıta keteıik, bul jazbada Soltústik Qazaqstan oblysyndaǵy «Jańa Jol» ótkizý pýnkti týraly aıtylyp otyr, ondaǵy kezek jaǵdaıy da osyǵan uqsas.
Buǵan deıin «Kýrsıv» Pavlodar oblysynda Reseımen shekarada júk kólikteriniń jınalyp qalǵanyn jazǵan bolatyn.