Qazaqstanda jeke úılerdiń satylymy shamamen 37 paıyzǵa artyp, ekinshi jyl qatarynan kóppáterli turǵyn úı segmentinen basym túsip otyr. Bul týraly qurylys jáne jyljymaıtyn múlik salasynyń sarapshysy, developer Dılára Seıtnýrova qyrkúıek aıyna arnalǵan naryq sholýynda óz arnasynda jazdy, dep habarlaıdy infohub.kz saıty.
Onyń baǵalaýynsha, satyp alýshylar arasynda jeke úılerge suranys arta túsýde. Sarapshy bul úrdistiń sebebin azamattardyń sol aqshaǵa keńirek baspana alǵysy kelýimen baılanystyrady. Alaıda smetaǵa, ádette, ınjenerlik jelilerge, joldarǵa jáne keıingi qyzmet kórsetýge jumsalatyn shyǵyndar qosylmaıdy.
Seıtnýrova páterlerge qatysty jaǵdaıǵa da jeke toqtaldy: bazalyq mólsherleme tómendegenimen, olardyń baǵasy túsken joq, al suranys qysqaryp keledi. Almatyda turǵyn úı quny bir jylda 16,6 paıyzǵa ósti, al suranys jeti aıda 12,7 paıyzǵa azaıdy.
Sarapshy qazan aıyndaǵy turǵyn úı naryǵynyń basty oqıǵasy retinde Ulttyq banktiń bazalyq mólsherleme jónindegi jańa sheshimin ataıdy. Qurylysqa beriletin qaryzdardyń arzandaýy jalǵasa ma, ıpoteka qashan arzandaıdy — bári soǵan baılanysty bolady. Sonymen qatar jylytý maýsymy bastalǵanda satyp alýshylar úıdiń daıyndyq pasportyn muqıat teksergeni jón.
Buǵan deıin Almatyda máslıhat 2040 jylǵa deıingi Bas jospardyń túzetýin bekitken bolatyn. «Kompot» jeke sektorynyń aýmaǵyn kópqabatty úılermen salý jónindegi bastapqy jospar ózgertildi.