Soltústik Qazaqstan oblysynda qart áıeldi qatygezdikpen óltirý oqıǵasy tirkeldi. Kúdikti retinde onyń uly ustaldy, dep habarlaıdy infohub.kz saıty.
Oqıǵa Blagoveshenka aýylynda bolǵan. Polısıa málimetinshe, 89 jastaǵy zeınetker 66 jastaǵy ulynan kartop qazýǵa kómektesýin suraǵan. Keıin onyń denesi zorlyq-zombylyq belgilerimen ulynyń úıiniń aýlasynan tabylǵan. Aldyn ala aqparat boıynsha, áıeldi baltamen óltirgen.
Kórshilerdiń aıtýynsha, qart áıel ulyn kómekke shaqyrǵan, biraq onyń ornyna qatygez shabýyldyń qurbany bolǵan. Soltústik Qazaqstan oblysy polısıa departamentiniń baspasóz qyzmeti qasaqana kisi óltirý faktisin rastap, kúdiktiniń ustalyp, ýaqytsha ustaý ızolátoryna qamalǵanyn habarlady.
Qazirgi ýaqytta qajetti saraptamalar taǵaıyndalyp, oqıǵanyń barlyq mán-jaıy men sebepteri anyqtalýda. Polısıa qasaqana kisi óltirý faktisi boıynsha sotqa deıingi tergeý júrgizýde.