Kenıanyń azamattyq avıasıa agenttiginiń málimetinshe, sársenbi tańerteń eldiń soltústigindegi shalǵaı aımaqta tikushaq apatqa ushyrady. Borttaǵy jolaýshylar sany ázirge belgisiz, tergeý jumystary bastaldy.
Kenıa avıasıa basqarmasynyń málimdemesine sáıkes, tikushaq jergilikti ýaqyt boıynsha tańǵy 9:13-te Sambýrý okrýgindegi Loısaba konservatorıasynan Evaso Nıro aımaǵyna ushyp bara jatqanda apatqa ushyraǵan. Basqarma tergeý bastalǵanyn habarlady.
Jergilikti BAQ derekterine súıensek, tikushaqty safarı kompanıasy Tropic Air basqarǵan. Ol Ololokve taýynyń etegindegi qıan-qıan jerge qulaǵan. Bortta týrıser bolǵany nemese basqa jolaýshylardyń bar-joǵy ázirge belgisiz. Avıasıa basqarmasy borttaǵy adamdar sanyn da aıtpady.
Kenıada tikushaq apattary jıilep ketti. Bul elde ishki áýe tasymalyna táýeldi týrızm ındýstrıasy damyǵan. Aqpan aıynda eldiń batysyndaǵy taýly aımaqta tikushaq apatynan alty adam qaza tapqan bolatyn, olardyń ishinde depýtat ta bar edi.