Қазақстанда «Карина», «Жаңбыр» және «Милашка-малолетка» әндері 1990 жылдардағы Алматының музыкалық тарихының бір бөлігіне айналған орындаушы Кирилл Ли өмірден өтті. Әртіс қайғылы жағдайы туралы Таңірберген Бердонғаров хабарлады, деп жазады infohub.kz сайты.
Таңірберген Бердонғаров Кирилл Лидің қайтыс болғаны туралы өзінің Instagram парақшасында жазды. Ол 1990 жылдары Алматыда әндері кең танымал болған әртістің шығармашылығын еске алды.
«90-жылдардағы бүкіл Алма-Ата билеген дауыс. "Карина", "Жаңбыр", "Милашка-малолетка" — бұл біздің жастық шағымыз еді», — деп жазды Бердонғаров.
Ол сондай-ақ музыканттың шығармашылық жолының тарихымен бөлісті. Кирилл Ли мектеп кезінен-ақ барабанда ойнауды армандап, Пионерлер сарайына бірнеше рет баруға тырысқан, бірақ оған бас тартылған.
Музыкалық мансабының басталуы әскерде қызмет ету кезеңіне тұспа-тұс келді. Сол кезде Ли Мәскеу әскери театрына түсіп, онда Гнесинка музыканттарымен танысып, бас-гитарада ойнаудың алғашқы сабақтарын алды. Кейін ол контрабас класы бойынша музыкалық училищені бітірді. Мейрамханаларда өнер көрсетіп, Кавказ бен Украинаға гастрольдік сапармен барды, Грозныйдағы филармонияда жұмыс істеді.
Оралған соң Кирилл Ли әнші ретінде өзін сынап көруді шешті. Әндерді досы әрі клавишші Алексей Миненкомен бірге жаза бастады, шығармашылық жолының едәуір бөлігін сол кісімен бірге өткерді.
Бердонғаров әртістің «қазақстандық сахнаның генералы» деген лақап атымен танылғанын еске салды.
«Біз, алматылықтар үшін бұл — тұтас бір дәуір. Дарынды, алғашқылардың бірі. Жаның жәннатта болсын, топырағың торқа болсын», — деп жазды ол.