Qytaı men Nepal shekarasyndaǵy sel saldarynan qaza tapqandar sany 43 adamǵa jetti, taǵy 519 adam habar-osharsyz tizimde tur, dep habarlaıdy infohub.kz saıty.
«Sınhýa» agenttiginiń dereginshe, Qytaıdyń Sıszan avtonomıalyq aýdanyndaǵy Gırong ótkizý beketi aýdanynda aýqymdy izdeý-qutqarý jumystary jalǵasýda. Jergilikti tótenshe jaǵdaılar shtaby habar-osharsyz ketkenderdiń arasynda 23 eldiń 261 shetel azamaty bar ekenin málimdedi.
Bul sandar sheteldik jáne qytaılyq jýrnalıserge arnalǵan baspasóz máslıhatynda jarıalandy. Buqaralyq aqparat quraldarynyń ókilderi Gırong ótkizý beketi aýdanyndaǵy apat aımaǵyna da bardy.
«Qutqarý jumystaryna 2500-den astam adam men 500-den astam tehnıka jumyldyrylyp, ushqyshsyz ushý apparattarynyń 1 myńnan astam reısi jasalyp, áýeden 5,43 tonna júk tastaldy», — delingen shtab habarlamasynda.
Gırong ýeziniń bıligi aýmaǵynda qalǵan Nepaldyń shekaralas aýdandarynyń 1720 turǵynyna kómek kórsetti.
Eske salaıyq, 26 tamyzda kúshti tasqyn saldarynan myńdaǵan adam habar-osharsyz ketkeni týraly habarlanǵan bolatyn. Sońǵy málimetter boıynsha, Nepaldaǵy tabıǵı apattan keminde 1003 adam qaza tapty.
Sonymen qatar, Nepal men Qytaı shekarasyndaǵy tabıǵı apat aımaǵynan úsh qazaqstandyq áıel izdestirilýde.