Kókshetaýda polısıa oıyn klýbynda 40 jastaǵy áıeldiń omyrtqasy jaraqattanýyna baılanysty tergeý bastady, dep habarlaıdy infohub.kz.
Aqmola oblysy polısıa departamentiniń baspasóz qyzmetiniń málimetinshe, sotqa deıingi tergeýdi bastaýǵa 1986 jyly týǵan áıeldiń aryzy sebep bolǵan. Ol klýbta oıyn kezinde qulap, omyrtqasyn jaraqattaǵanyn aıtady.
Osy fakti boıynsha tártip saqshylary qaýipsizdik talaptaryna saı kelmeıtin qyzmet kórsetýge qatysty bap boıynsha qylmystyq is qozǵady.
Tergeý sharalary barysynda polıseıler oıyndy uıymdastyrýshyny anyqtady. Qazir onyń oqıǵaǵa qatysty róli jáne jaraqat alýdyń barlyq mán-jaıy anyqtalýda.
Tergeý qulaýdyń qandaı jaǵdaıda bolǵanyn jáne jaraqattyń tikeleı oıyn kezinde alynǵanyn anyqtaýy tıis.
Polısıada sotqa deıingi tergeý qorytyndysy boıynsha barlyq qatysýshylardyń áreketterine túpkilikti quqyqtyq baǵa beriletinin atap ótti.