Kolýmbıadaǵy joıqyn jer silkinisinen qaza tapqandar sany artyp keledi: sońǵy málimetter boıynsha, 319 adam qaza tapty, 31 myńnan astam úı qırady, dep habarlaıdy infohub.kz saıty.
TASS-tyń habarlaýynsha, Kolýmbıadaǵy jer silkinisinen keminde 319 adam qaza taýyp, 260 adam habar-osharsyz ketken. Bul týraly tabıǵı apattar táýekelin basqarý qyzmeti málimdedi. "319 adam qaza tapty, 4 469 adam jaraqat aldy, 260 adam habar-osharsyz ketti, 364 adam qutqaryldy", - delingen habarlamada. Sonymen qatar, 549 janýar qutqaryldy.
Bıliktiń sońǵy baǵalaýy boıynsha, jer silkinisi 31 myńǵa jýyq úıdi qıratyp, 151 995 ǵımarat zaqymdanǵan.
Sonymen qatar, magnıtýdasy 7,4 bolatyn joıqyn jer silkinisinen zardap shekken Kolýmbıadaǵy 10,1 myńnan astam tutynýshy áli kúnge deıin gazben qamtamasyz etilmegen. Qaldyqtardy tazalaý kezinde ınfraqurylymnyń qaıta isten shyǵýy qalpyna keltirý jumystaryn qıyndatyp otyr.
Respýblıkanyń gaz salasy kásiporyndary qaýymdastyǵynyń basshysy Lýs Stella Mýrgas óshirilgen tutynýshylardyń jalpy sanynyń 6 myńǵa jýyǵy Vale-del-Kaýka jáne Kaýka departamentterine tıesili ekenin aıtty. Arnaıy brıgadalar zardap shekken aýdandardaǵy jelilerdiń tehnıkalyq jaǵdaıyn tekserip jatyr.
Eske salaıyq, 10 tamyzda Kolýmbıada magnıtýdasy 7,4 bolatyn kúshti jer silkinisi boldy. Sol kúni keshke 30 adam qaza tapqany habarlanǵan edi. 12 tamyzda elde tótenshe jaǵdaı rejımi jarıalanǵany belgili boldy.