Atyraý oblysynda bir otbasynyń eki múshesi Kongo-Qyrym gemorragıalyq bezgegine kúdikpen aýrýhanada em alýda, dep habarlaıdy infohub.kz saıty.
«Qazınform» MIA málimetinshe, Atyraý oblystyq juqpaly aýrýlar aýrýhanasyna osy dertke kúdikpen bir otbasynyń eki múshesi jatqyzylǵan. Oblys ákimdiginiń baspasóz qyzmetiniń málimetinshe, naýqastardyń biri — Isataı aýdanynyń turǵyny — 12 tamyzda tán belgilerimen medısınalyq mekemege jetkizilgen. «Kongo-Qyrym gemorragıalyq bezgegi» dıagnozy polımerazdy tizbekti reaksıa (PTR) ádisimen rastalǵan. Onyń jaǵdaıy turaqty, ortasha aýyrlyq dárejesinde, oń dınamıka baıqalady. Emdeý respýblıkalyq mamandardyń baqylaýymen júrgizilýde.
Ekinshi naýqas ta medısınalyq baqylaýda. Onyń jaǵdaıy turaqty, oń dınamıkamen. KQGB-ǵa PTR-test teris nátıje kórsetken.
Barlyq baılanysta bolǵan adamdar esepke alynyp, medısınalyq baqylaýda. Qazirgi ýaqytta olarda aýrý belgileri tirkelmegen. Mamandar aýyl sharýashylyǵy jáne úı janýarlarynan synamalar alyp, aýrý anyqtalǵan aýmaqta kenelerdi zerttegen. Zerthanalyq zertteý nátıjeleri teris bolyp shyqty.