Kongo Demokratıalyq Respýblıkasynda toı merekesi apatqa ulasty: órt saldarynan 20-dan astam adam qaza tapty, dep habarlaıdy infohub.kz saıty.
RIA Novostı Actualite portalyna silteme jasap habarlaǵandaı, astana Kınshasadaǵy toıhanada órt bolǵan. Apat týraly astanadaǵy Lıngvala komýnasynyń ákimi Norber Mýshıga Nzındýla málimdedi.
«2026 jylǵy 5 qyrkúıektegi tańǵy derekter boıynsha, 22 adam qaza taýyp, kóptegen zardap shekkender aýrýhanaǵa jatqyzyldy», — delingen ákimniń málimdemesinde.
Ol órttiń sebebi ázirge belgisiz ekenin atap ótip, aldyn ala derekter boıynsha, qurbandardyń kóp bolýy — órt bastalǵannan keıin qonaqtardy evakýasıalaý tek bir ǵana shyǵý esiginiń bolýyna baılanysty qıyndaǵanymen túsindiriledi. Ákimniń aıtýynsha, bul esik salystyrmaly túrde tar bolyp, jalpy úreı men tútinniń kóptigi jaǵdaıdy ýshyqtyrǵan.