Qytaı men Nepal shekarasyndaǵy ótkel mańynda qatty kóshkin júrip, iz-túzsiz joǵalǵandar bar. QHR tóraǵasy Sı Szınpın zardap shekkenderdi qutqarý úshin barlyq kúsh-jigerdi jumyldyrýdy tapsyrdy, dep habarlaıdy infohub.kz saıty.
Oqıǵa búgin, 26 tamyzda, Qytaıdyń ońtústik-batysyndaǵy Tıbet avtonomıalyq aýdanyndaǵy «Gırong» baqylaý-ótkizý pýnktiniń mańynda boldy. Aldyn ala málimetter boıynsha, qaza tapqandar joq, alaıda iz-túzsiz joǵalǵandar bar. Kóshkin qytaı tarapyndaǵy ótkelge aparatyn joldardy jaýyp, baılanys pen elektrmen jabdyqtaýdy buzdy.
«Gırong» baqylaý-ótkizý pýnkti Qytaı-Nepal shekarasyndaǵy negizgi qurlyq ótkeli bolyp tabylady. Nepalda Tıbetpen shektesetin aımaqta aýyldardyń qıraǵany, joldar, kópirler men energetıkalyq nysandardyń zaqymdanǵany habarlanýda.
QHR tóraǵasy Sı Szınpın iz-túzsiz joǵalǵandardy izdeý jáne qutqarý úshin barlyq qajetti resýrstardy jumyldyrýdy tapsyrdy.