Reseı Premer-lıgasynyń jetinshi týrynda Samaranyń «Krylá Sovetov» komandasy men «Krasnodar» arasyndaǵy mach 2:2 esebimen teń aıaqtalyp, jeńimpaz anyqtalmady, dep habarlaıdy infohub.kz.
Kezdesý «SolıdarnostSamara Arena» stadıonynda ótti. 17-mınýtta qonaqtar eki dop aıyrmashylyǵymen alǵa shyqty: kolýmbıalyq shabýylshy Djon Kordoba (3-mınýt) jáne angolalyq vınger Joaý Bachı (17-mınýt) gol soqty.
Ekinshi taımda alań ıeleri esepti teńestire aldy. Bosnıalyq jartylaı qorǵaýshy Amar Rahmanovıch 55-shi jáne 79-shy mınýttarda qarsylas qaqpasyna eki dop soǵyp, dúbl jasady.
Qazaqstan quramasynyń vıngeri Islam Chesnokov «Krylá Sovetov» sapynda starttyq quramda alańǵa shyǵyp, birinshi taımnan keıin aýystyryldy. Osy ýaqyt ishinde ol dopqa 12 ret qaǵyp, bes pas berdi, onyń úsheýi dál boldy.
Samaralyq komanda jeti upaı jınap, qosymsha kórsetkishter boıynsha «Orenbýrg»-ty basyp ozyp, toǵyzynshy orynǵa kóterildi. «Krasnodar» RPL maýsymynda alǵash ret jeńiske jete almady. Reseıdiń qazirgi vıse-chempıony 19 upaımen týrnır kestesinde kósh bastap tur.