Reseı basyp alǵan Qyrymda áskerı qyzmetshi tórt adamdy atyp óltirdi. Bul oqıǵa kezdeısoq atys bolyp kórinedi. Máskeý taǵaıyndaǵan gýbernator Mıhaıl Razvojaevtiń aıtýynsha, qarýly adam áriptesterine oq jaýdyryp, bireýin óltirip, taǵy bireýin jaralaǵan. Sodan keıin ol Hmelnıskoe aýylynda úsh beıbit turǵyndy — 71 jáne 59 jastaǵy eki er adam men 64 jastaǵy áıeldi atyp óltirgen. Taǵy úsh adam jaraqat aldy.
Shabýyldaýshy ustalyp, atystyń sebebi tergelýde, dedi Razvojaev. Onyń esimi jarıalanbady, al jergilikti bılik onyń Reseı áskeriniń qaı bóliminde qyzmet etkeni týraly aqparat bermedi. Qaza tapqandar sanynyń ósýi múmkin be, belgisiz. Razvojaev dárigerlerdiń jaralanǵandardy qutqarý úshin "bárin jasap jatqanyn" aıtty.
Ol sondaı-aq azamattardy tek resmı aqparatqa senýge jáne atys sebepteri men shabýyldaýshynyń jeke basy týraly "rastalmaǵan qaýesetterdi" taratpaýǵa shaqyrdy. Reseı Ýkraınanyń Qyrym túbegin 2014 jyldan beri baqylap keledi. Halyqaralyq qoǵamdastyqtyń basym kópshiligi aneksıany moıyndamaı, ony ýkraın jerin basyp alý dep sanaıdy. Reseıdiń onda áskerı kúshi kóp, Ýkraına ony drondar men zymyrandarmen nysanaǵa alýda.