Qazaqstandyqtarǵa temirjol saparynda alyp júrýge bolatyn iri kólemdi júkti tasymaldaý tártibi túsindirildi, dep habarlaıdy infohub.kz saıty.
QTJ baspasóz qyzmetiniń naqtylaýynsha, kádimgi vagondarda jolaýshy salmaǵy 35 kg-ǵa deıin jáne ólshemi 100 × 50 × 50 sm-den aspaıtyn qol júgin tegin alyp júrýge quqyly.
Talgo jáne oǵan uqsas vagondarda salmaǵy 25 kg-ǵa deıin, ólshemi 70 × 40 × 40 sm-den aspaıtyn qol júgin tegin alyp júrýge ruqsat etiledi.
«Elektr qozǵaltqyshy joq velosıpedti, balalar arbasyn jáne baıdarkany bólshektep, qaptap, qol júgine arnalǵan orynǵa syısa, tasymaldaýǵa bolady. Bul ereje Talgo vagondaryna qoldanylmaıdy», — dedi QTJ-da.
Al ólshemi belgilengen qol júgi normasynan asatyn zattar iri kólemdi júkke jatady. Olardy aldyn ala bagaj retinde rásimdeý qajet. Tasymaldaý bagaj bólimshesinde nemese ámbebap bagaj vagonynda júzege asady — poıyz túri men onyń tehnıkalyq múmkindikterine qaraı. Jolaýshy vagondarynda shańǵy tasymaldaýǵa jol berilmeıdi.
«Bagaj ótpe joldardy, esikterdi jáne jolaýshy oryndaryn bitemeýi, basqa jolaýshylarǵa kedergi jasamaýy tıis», — dep eske saldy QTJ-da.
Sonymen qatar jolaýshylardan artyq qol júgi anyqtalsa, «Talgo» jolaýshy poıyzdarynda qosymsha aqy tólep, ony bagaj vagonyna tapsyrýǵa múmkindik bar: №67/68 Nurly jol — Óskemen; №9/10 Nurly jol — Almaty-2; №81/82 Nurly jol — Oral; №65/66 Nurly jol — Qyzylorda.
Saparǵa shyǵar aldynda qazaqstandyqtarǵa naqty bir júk túrin tasymaldaý sharttaryn aldyn ala naqtylaý usynylady. Qosymsha aqparatty táýlik boıy tegin 1433 nómiri arqyly alýǵa bolady.