Aqmola oblysynda kúnbaǵys gúldegen kezeńde polıseıler júrgizýshilerdi jyldamdyq tasjolynda ádemi sýretke túsý úshin toqtaýdyń aýyr zardaptary týraly eskertedi. Astana-Shýchınsk avtojolynyń boıyndaǵy kórkem alqaptar kóptegen avtokólik júrgizýshilerin tartady, alaıda mundaı toqtaýlarǵa tyıym salynǵan jáne qaýipti, dep habarlaıdy infohub.kz.
Aqmola oblysy PD patrúldik polısıa batalónynyń 2-shi vzvod komandıriniń mindetin atqarýshy Erbol Dúısetaıdyń aıtýynsha, bul ýchaske jyldamdyq avtoban bolyp tabylady, munda kólik quraldarynyń toqtaýyna tyıym salynǵan. Munda barlyq qajetti jol belgileri, sonyń ishinde «Toqtaýǵa tyıym salynady» belgisi ornatylǵan, sondaı-aq tıisti jol belgileri syzylǵan.
Kúnbaǵys gúldegen kezeńnen bastap patrúldik polısıa qyzmetkerleri jol belgileriniń talaptaryn elemegen 25-ke jýyq júrgizýshini ákimshilik jaýapkershilikke tartty.
Polıseıler jyldamdyq avtojolynda toqtaý jol qozǵalysy qaýipsizdigine naqty qaýip tóndiretinin eske salady. Patrúldik kólik paıda bolǵan kezde júrgizýshi ketip úlgerse de, bul jiberilgen buzýshylyq úshin jaýapkershilikten bosatpaıdy.