Amerıkandyq ǵalymdar jaqyndarymen jáne dostarymen únemi qarym-qatynas jasaý qartaıý prosesin baıaýlatyp, aqyl-oıdy uzaq jyldar boıy saqtaýǵa kómektesetinin anyqtady. Qartaıý máseleleri jónindegi ulttyq ınstıtýt qoldaǵan zertteýdi Irvaındaǵy Kalıfornıa ýnıversıtetiniń psıhology Súzan Charlz basqardy, dep habarlaıdy infohub.kz saıty.
Joba aıasynda mamandar 24 pen 97 jas aralyǵyndaǵy 2900-den astam eresek adam qatysqan aýqymdy MIDUS zertteýiniń derekterin taldaýdy josparlap otyr. Ǵalymdar qatysýshylardyń jıyrma jyl boıy jınalǵan kúndelik jazbalaryn, sondaı-aq densaýlyq jaǵdaıyn kórsetetin bıomarkerlerdi zertteıtin bolady. Kortızol deńgeıine, qabyný markerlerine, gen ekspressıasynyń profılderine jáne jasýshalyq qartaıý kórsetkishterine erekshe nazar aýdarylady.
Avtorlardyń pikirinshe, tipti qarapaıym áreketter — dosqa qońyraý shalý nemese kórshimen birge túski as ishý — aqyl-oı belsendiligin yntalandyrady jáne stressti tómendetedi. Ýaqyt óte kele mundaı qarym-qatynastar jasqa baılanysty ózgeristerdi baıaýlatyp, sozylmaly aýrýlardyń damý qaýpin azaıta alady. Zertteýshiler áleýmettik baılanystar sport pen durys tamaqtaný sıaqty densaýlyq úshin mindetti ádetke aınalýy kerek ekenin dáleldeýge úmittenedi.