Qyrǵyzstannyń ITF taekvondo quramasy alaıaqtardyń kesirinen Azıa chempıonatyna usha almady. Jankúıerler men qarapaıym azamattar sportshylarǵa qarjylaı kómek kórsetýdi usynyp jatyr, dep habarlaıdy infohub.kz.
Qyrǵyzstannyń ITF taekvondo federasıasy vıse-prezıdenti Sardor Rahımshaıhovtyń aıtýynsha, komanda chempıonat aldynda akredıtasıadan ótýi kerek edi, alaıda ushaq bıletterine qatysty aldaý saldarynan sapar bolmaı qaldy. Qurama Almaty — Beıjiń — Ulan-Batyr baǵytymen ushýdy josparlaǵan.
«Qazir bizdiń quramanyń chempıonatqa qatysý múmkindigi óte az, biz jarty jyldan astam daıyndaldyq. Barlyq jaýapty tulǵalarǵa, týroperatorlarǵa, áýe kompanıalaryna, el basshylyǵyna júginemiz. Uzaq ýaqyt daıyndalǵan Azıa chempıonatyna quramamyzdyń qatysýyna kómektesýdi suraımyz», — dedi Rahımshaıhov.
Bishkek qalasynyń Birinshi Mamyr aýdandyq İİB-nen oqıǵa boıynsha tekserý bastalǵanyn habarlady. Mılısıa qyzmetkerleri jaǵdaıdy anyqtap, kinálilerdi izdestirýde.
Federasıanyń úndeýinen keıin áleýmettik jeli qoldanýshylary sportshylarǵa qoldaý bildire bastady. Pikirlerde kópshilik komandaǵa jańa bılet alýǵa jáne Monǵolıaǵa jetýge kómektesý úshin qarajat jınaýdy usynýda. Basqalary uıymdastyrý shyǵyndary nege memlekettik organdarǵa emes, sportshylardyń ózine túskenin surap jatyr.
Vıse-prezıdenttiń aıtýynsha, qurama 2 mln somǵa (10 mln teńgeden astam) aldanyp qalǵan.