Qyrǵyz Respýblıkasy Ulttyq qaýipsizdik memlekettik komıteti (UQMK) «Ak-Tılek — avtojol» baqylaý-ótkizý pýnktinde (Qazaqstan jaǵynan — «Qarasý» beketi) áreket etken turaqty sybaılas jemqorlyq tobynyń jumysyn toqtatty, dep habarlaıdy infohub.kz.
Jedel-izdestirý is-sharalary barysynda quqyq qorǵaý organdary laýazymdy tulǵalardyń memlekettik shekara arqyly komersıalyq júkterdi zańsyz jáne kedergisiz ótkizý sqemasyn uıymdastyrǵanyn anyqtady.
Arnaıy qyzmettiń málimetinshe, Memlekettik shekara qyzmeti (MSHQ) jáne Memlekettik salyq qyzmetiniń EAEO basqarmasy qyzmetkerleri turaqty aqshalaı syıaqy úshin Qazaqstannan Qyrǵyzstan aýmaǵyna komersıalyq taýarlar tıelgen aýyr júk kólikterin ótkizip júrgen. Bul rette resmı qujattar men esepter boıynsha júk tıelgen fýralar múldem bos kólik retinde kórsetilgen.
Qylmystyq is tergeýi aıasynda UQMK qyzmetkerleri sqemaǵa qatysqan tórt adamdy ustady: UQMK Shekara qyzmetiniń áskerı qyzmetkeri E.ý.Ch.; soltústik aımaq boıynsha EAEO boıynsha MSB qyzmetkerleri Dj.M.T. jáne O.K.I.; aýyr júk kóliginiń júrgizýshisi N.M.S. Barlyq kúdiktiler QR Qylmystyq-prosestik kodeksiniń 96-babyna sáıkes UQMK tergeý ızolátoryna qamaldy. Qazirgi ýaqytta tergeý organdary istiń barlyq mán-jaıyn anyqtaý jáne qylmystyq toptyń basqa da yqtımal múshelerin anyqtaý úshin jedel is-sharalardy jalǵastyrýda.