Qytaıdyń shyǵysyndaǵy Szánsı provınsıasyndaǵy Sýıchýan aýdanyndaǵy aýyldyń bir bóliginde senbi kúni tańerteń júrgen kóshkin saldarynan bir adam qaza taýyp, taǵy 11 adam habar-osharsyz joǵalyp ketti. Bul týraly jergilikti bılikke silteme jasap, infohub.kz saıty habarlaıdy.
Tropıkalyq «Saýdel» sıkloni ákelgen birneshe kúndik nóserli jańbyrdan keıin bolǵan kóshkin on shaqty úıdi zaqymdaǵan. Qutqarýshylar oqıǵa ornyna dereý jetip, turǵyndardy qaýipsiz jerge kóshirdi. Qutqarý jumystary kezinde bir adamnyń máıiti tabylsa, taǵy eki adam tirideı qutqarylyp, jaǵdaılary jaqsy ekeni aıtyldy.
Qytaıdyń resmı «Sınhýa» agenttiginiń habarlaýynsha, «Saýdel» taıfýny 28 tamyzda Chjeszán provınsıasyna eki ret soqqy berip, beısenbi kúni Fýszán provınsıasyna úshinshi ret tropıkalyq daýyl retinde jetken. Eki provınsıa da Szánsımen shektesedi.
Fýszándegi jergilikti bılik juma kúni birneshe turǵynnyń birneshe kúndik qatty jańbyrdan keıin habar-osharsyz joǵalǵanyn habarlady. Naqty sany belgisiz, alaıda Pýtıan qalasyndaǵy Hýatın qalashyǵynda 100-den astam úı qulaǵan. Beısenbi kúni keshke bógettiń sýy asyp, jarylyp, aýyldardy sý basyp, turǵyndar qamalyp qalǵan.
«Sınhýa» agenttiginiń málimetinshe, juma kúni keshke qaraı Fýszándegi qaýipti jaǵalaý jáne qurlyq aımaqtarynan 600 myńǵa jýyq turǵyn evakýasıalanǵan. Memlekettik telearnanyń kadrlarynda keıbir kóshelerdiń ózenge aınalǵany, qutqarýshylardyń isirilmeli qaıyqtardy paıdalanyp jatqany kórsetilgen.