Qazaqstan Syrtqy ister mınıstrliginiń málimetinshe, elimizdiń azamatshasy týrısik top quramynda Qytaıdan Nepalǵa shekaradan ótken, dep habarlaıdy infohub.kz saıty.
Aldyńǵy kúni Qytaı men Nepal arasyndaǵy shekara ótkeli mańynda kóshkin júrip, jol qozǵalysyna, baılanys pen elektrmen jabdyqtaýǵa áser etkeni belgili boldy. Keıin kúshti sý tasqyny saldarynan myńdaǵan adam habarsyz ketkeni habarlandy. İri tasqynnyń sebebi jer silkinisi men odan keıingi kóshkin dep ataldy.
Osydan keıin QR SİM azamattarymyz týraly alǵashqy málimetterdi jarıalady. Aldyńǵy kúni TJ bolǵan jerde qazaqstandyqtar týraly aqparat belgisiz edi. Búgin NUR.KZ tilshisine jańa derekter habarlandy.
«Aldyn ala aqparat boıynsha, Qazaqstan azamatshasy týrısik top quramynda Nepaldan Qytaıǵa shekaradan ótken. Azamatshamyzdyń qazirgi orny ázirge belgisiz. Habarsyz ketkenderdi izdeý jumystary júrgizilýde. Qazaqstandyq dıplomattar jergilikti memlekettik organdarmen jumysty jalǵastyrýda», — delingen túsiniktemede.
Aıta keteıik, búgin tańerteń tabıǵı apat qurbandarynyń sany 160-tan asty. Sondaı-aq Nepal men Qytaı bıligi birqatar eldiń azamattarynyń habarsyz ketkeni týraly habarlaǵan.