Qyzylordada qyzǵa zorlyq kórsetken prank isi boıynsha tergeý aıaqtaldy. Lıftte oıyn uıymdastyrǵan jigit ákimshilik jaýapkershilikke tartylyp, aıyppul tóledi, dep habarlaıdy infohub.kz.
Oqıǵa qaladaǵy turǵyn úılerdiń birinde bolǵan. Jarıalanǵan kadrlarda er adamnyń qasyndaǵy tanys qyzdy ustap alyp, shabýyl jasaǵandaı kórinetini baıqalady. Bir kezde lıftte bolǵan taǵy bir qyz aralasyp, ony toqtatady.
Qyzylorda oblystyq polısıa departamentinde beınejazba áleýmettik jelilerdi monıtorıńileý kezinde anyqtalǵanyn habarlady. Quqyq qorǵaý organdary qatysýshylardyń áreketteri aınalasyndaǵylarǵa qaýip tóndirgenin anyqtady. Beınerolıktiń sońynda qatysýshylardyń ózderi bul prank ekenin moıyndady.
Qyzylordanyń 20 jastaǵy turǵyny polısıaǵa jetkizildi. Sot sheshimimen ol aıyppul túrindegi ákimshilik jaýapkershilikke tartyldy.
Polısıa mundaı «ázilderdiń» jol berilmeıtinin atap ótip, azamattardy qoǵamdyq tártipti saqtaýǵa jáne aınalasyndaǵylarǵa qurmetpen qaraýǵa shaqyrdy.