Reseılik telejúrgizýshi Lera Kýdrávseva Oleg Gazmanov bastaǵan sporttyq chellendjdi erekshe tásilmen qoldap, infohub.kz saıtyna habarlady.
Eske salaıyq, jaqynda Reseıdiń halyq ártisi Oleg Gazmanov 75 jasqa toldy. Osyǵan oraı ánshi óziniń 75 ret otjımanıe jasaǵan beınejazbasyn jarıalap, áriptesteri men jazylýshylaryn da solaı isteýge shaqyrdy. Alǵashqylardyń biri bolyp Sergeı Lazarev ún qatyp, 43 ret otjımanıe jasady.
Qazir demalysta júrgen Lera Kýdrávseva tapsyrmany ózinshe túsindirýdi jón kórdi. Ol fızıkalyq jattyǵýdyń ornyna gastronomıalyq tásildi usyndy. «Men Oleg Gazmanov pen Sergeı Lazarevtiń chellendjin qabyldaımyn. Jasyń qansha bolsa, sonsha kartop je. Sodan keıin sonsha mınýt jat», — dep jazdy telejúrgizýshi áleýmettik jelidegi paraqshasynda.
Ázil nazardan tys qalmady. Oleg Gazmanov ázilmen jaýap berdi: «Eh... Lera, Lerochka!» — dep, kúlip turǵan smaılık qosty. Ánshi Stas Peha da bul kreatıvti joǵary baǵalady: «Sen halyqty osylaı uzaq ómir súrýge yntalandyrasyń ba?!» Kýdrávsevanyń jazylýshylary mundaı tásilge tánti boldy. Pikirlerde olar: «Myna chellendj maǵan kóbirek unaıdy jáne saı keledi», «Internette kezdestirgen eń úzdik chellendj, men de qatysqym kelip ketti», «Bul óte kúlkili» dep jazady.
Buǵan deıin Lera Kýdrávseva Fransıadaǵy demalysynan atmosferalyq fotosýrettermen bólisken edi.