Беларусь президенті Александр Лукашенко Молдова басшылығын Тәуелсіз Мемлекеттер Достастығынан шығу туралы шешімі үшін сынға алды. Бұл туралы infohub.kz сайты хабарлайды.
Беларусь көшбасшысының ТМД мемлекеттері басшыларының саммитінде сөйлеген сөзінің толық мәтіні Александр Лукашенконың баспасөз қызметінің «Пул Первого» ресми Telegram-арнасында жарияланды.
«2027 жылдың сәуірінде Молдова ТМД-дан де-юре шығады. Бұл қарапайым молдовандардың таңдауы емес, басшылықтың алысты көре алмаған шешімі. Оның өзі мұны түсініп, еркін сауда аймағы туралы шартқа қатысуды сақтап қалуға тырысып отыр», — деді Лукашенко.
Сөзінде ол Молдова басшылығын «қарапайым молдовандар үшін кемінде бастапқы кезеңде өзара әрекеттесу арналарын үзбеуге» мүмкіндік сақтауға шақырды.
«Тарих әрқашан қайталанады. Грузияның ТМД-дан шығу тәжірибесі бізде бар. Бірақ бүгін жағдайдың қалай өзгеріп жатқанын көріп отырмыз. Достастық тетіктерінің жолымен қалыпты қатынастарға оралу әлдеқайда жеңіл екені анық», — деп қосты ол.
Еске салайық, бұған дейін Молдова Сыртқы істер министрлігінің басшысы Михай Попшой елдің ТМД-дан 2027 жылдың 8 сәуірінде ресми түрде шығатынын мәлімдеген болатын.