«Men ózime senemin» psıhologıalyq trenıńi
Psıhologıalyq trenıń maqsaty:
Oqýshyǵa óz ómiriniń sýbektisi ekenine kózin jetkizýge kómek jasaý. Sonymen qatar UBT - ny tapsyrý kezinde barynsha tolyq óz múmkindigin iske asyrý. Bizdiń qoldaýdy qajet etetin oqýshylardy tabý: úzdikter jáne UBT - ǵa daıyndyq kezinde belgili bir qıyndyqta, túlekterge jaǵymdy psıhoemosıonaldy kúıine jetýge tıimdi jaǵdaı týdyrý.
Mindetteri:
 UBT - ǵa daıyndyq tıimdiligin arttyrý.
 UBT kezinde psıhologıalyq turǵydan durys ustaý.
 Oılaý jumysyn damytýǵa áreket etý.
 Sheshýshi sátte ózin jumyldyra bilý.
 Óz emosıalaryn basqara alý.

Psıhologıalyq trenıńtiń jospary:
1. «Tanysý» jattyǵýy
2. «Saǵat tili» jattyǵýy
3. A)«Meniń otbasym» sýretin salý (oqýshylar úshin)
B) «Ata – ana, meniń sýretimdi tapshy» (ata – analar úshin)
V)«Men kim» jáne «men qandaımyn?» jattyǵýy (pán muǵalimderi men ata – analar úshin)
4. «Kóńil kúı aınasy» relaksasıalyq kezeń
5. «Dybystyq gımnastıka» jattyǵýy
6. Túlekterge arnalǵan affırmasıa
7. «Bos oryndyq» sergitý jattyǵýy
8. «Gımnazıa túlekteriniń ata – analaryna arnalǵan keńester»
9. «Eksperıment» jattyǵýy
10. «Ómirsheńdik erejesi» senimdilik baǵdarlamasy\
11. Refleksıa. «Biz birgemiz jáne senimdimiz»

1. «Tanysý» jattyǵýy
Nusqaý: Trenıńke qatysýshylar sheńberge jınalady, juldyzshalar taratylyp beriledi.
Qatysýshylar ózderine trenıńtik esim taǵaıyndap, juldyzshalarǵa jazyp, keýdelerine jabystyrady.
Trenıńtik ereje:
• Trenıńke berilgen reglamentti saqtaý
• Qatysýshylardy trenıńtik esimderimen ataý
• Qatysýshylar bir – birine kedergi keltirmeý
2. «Saǵat tili» jattyǵýy
Nusqaý: qatysýshylarǵa saǵattyń sýreti bınelengen qaǵazdar taratylyp beriledi. Qatysýshylar psıhologtyń nusqaýymen ýaqyt aralyqtaryna ózderi qalaǵan qatysýshylardyń esimderin jazady. Esimder jazylyp bolǵan soń, psıhologtyń buıyrýymen árbir qatysýshy óz tańdaýlary boıynsha adamdardy izdeıdi: Mysaly:
13 - 14 aralyǵy – amandasý
15 - 16 aralyǵy – kúlimdeý
17 - 18 aralyǵy - komplıment aıtý
19 - 20 aralyǵy – basynan sıpaý
21 - 22 aralyǵy – qol alyp amandasý
23 - 00 aralyǵy – mımıka arqyly syılyq syılaý
4. «Meniń otbasym» jobalaý ádistemesi
Nusqaý: Bilim alýshylar «meniń otbasym» taqyrybyna sýret salý tapsyrylady. Salynyp bolǵan sýretter jınap alynady, ata – analary óz balalarynyń salǵan sýretterin tabýy qajet.
Talqylaý suraqtary:
Óz balańyzdyń sýretin tabý qıyn boldy ma?
Óz balańyzdyń sýretin qandaı elementter boıynsha taptyńyz?
«Men qandaımyn jáne kimmin» jattyǵýy
Nusqaý: ata – analar men muǵalimderge aldyn ala daıyndalǵan búktelgen qaǵazdar taratylyp beriledi. Berilgen qaǵazdyń birinshi betine «Kimmin», ekinshi betine «qandaımyn» suraqtaryna jaýap jazyp, jazylǵan jaýaptardy sáıkestendirip oqımyz.
4.«Dybystyq gımnastıka»
Nusqaý: Psıhologtyń nusqaýy boıynsha berilgen áripterdi hormen qaıtalaý. Psıholog aıtylǵan áripterdiń adam aǵzasy úshin mańyzdylyǵyn túsindiredi.
A – dybysy, barlyq aǵzanyń jumysyn jaqsartady
E – dybysy, qalqansha beziniń jumysyn kúsheıtedi
I – mı, kóz, qulaq, murynnyń jumysyn jaqsartady
O – júrek jáne ókpeniń jumysyn belsendiredi
H - barlyq aǵzamyzdyń tazarýyna kómektesedi
Ha – ha – kóńil kúıdi kóteredi.

6. Túlekterge arnalǵan affırmasıa (Affırmasıa taqtadan kórsetilip, daýystalyp oqylady.)

Affırmasıa – (ózin - ózi sendirý, oıdy bekitý sózderi bolyp tabylady).
• Men tabysqa jetetinime tolyq senimdimin, meniń únemi jolym bolady.
• Ár bir kún, ár bir saǵat saıyn meniń ómirim jaqsaryp barady.
• Jaqsylyq, durys tańdaý jáne amandyq únemi meniń qasymda.
• Bolyp jatqan istiń barlyǵy – meniń ıgiligim úshin jasalýda.
• Qazirdiń ózinde men úshin óte sátti múmkindikter qalyptasyp keledi.
• Men qandaı bolsam, ózimdi sol qalpymda jaqsy kóremin.
• Meniń qabiletim ár kún saıyn jaqsarýda.
• Meniń ómirime sáttiliktiń, ataq - dańqtyń kelýin qýana qabyldaımyn.
• Maǵan óz isim unaıdy, qýana, rahattana, shabytpen aınalysýdamyn.
• Ózime degen senimdilik únemi meniń jadymda.
Men ózime senemin psıhologıalyq trenıńi. júkteý