Meta kompanıasy iri baǵdarlamalyq repozıtorılerde ózgeristerdi avtonomdy túrde josparlap, kod jazyp, nátıjelerdi teksere alatyn Muse Code II-agentiniń beta-nusqasyn usyndy, dep habarlaıdy infohub.kz saıty.
Aleksandr Vang basqaratyn Meta Superintelligence Labs bólimshesi ázirlegen jańa qural Muse Spark 1.2 tildik modeline negizdelgen. Kodty avtomatty tolyqtyratyn dástúrli asıstentterden aıyrmashylyǵy, Muse Code ınjınırıńtiń tolyq sıklin avtonomdy túrde oryndaı alady: arhıtektýralyq túzetýlerdi josparlaý, baǵdarlamalar jazý jáne nátıjelerdi tekserý.
Aýqymdy jobalarmen jumys isteý kezinde qural tapsyrmalardy oqshaýlanǵan jumys ortalaryndaǵy sýb-agentter arasynda avtomatty túrde bóledi, bul negizgi kodtyń búliný qaýpin boldyrmaıdy. Muse Code shyǵarylymymen Meta korporasıasy Anthropic-tiń Claude Code jáne OpenAI-diń Codex avtonomdy sheshimderine tikeleı básekeles bolýdy kózdeıdi.
Ázirleýshilerge tıimdi tarıfter usynyldy, onyń ishinde algorıtmderdi oqytý úshin derekterdi berý arqyly tómendetilgen quny bar arnaıy qoljetimdilik te bar.