Vetnamda «Mıss Álem-2026» baıqaýy máresine jetti. Jeńimpaz ataǵy Domınıkan Respýblıkasynyń ókili Djoheırı Molaǵa buıyrdy, dep habarlaıdy infohub.kz saıty.
Baıqaý fınaly 5 qyrkúıekte Náchang qalasynyń ortalyǵynda, osy aýqymdy shara úshin jasalǵan eń úlken sahnalardyń birinde ótti. Nátıjesinde 73-shi «Mıss Álem» ataǵyn Domınıkan Respýblıkasynyń 24 jastaǵy oqytýshysy, jýrnalıs ári qoǵam qaıratkeri Djoheırı Mola ıelendi. Ol tájdi byltyrǵy jeńimpaz — Taıland ókili Opal Sýchata Chýangsrıden qabyldap aldy.
Aıta keteıik, Djoheırı Domınıkan Respýblıkasyna «Mıss Álem» ataǵyn 44 jyldan keıin alyp keldi — buǵan deıin 1982 jyly Marıasela Alvares jeńimpaz atanǵan edi. «Men baqyttan jeti aspandamyn, áli de bolyp jatqannyń bárin tolyq sezine almaı turmyn. Men óte baqyttymyn jáne elimniń qazir qalaı toılap jatqanyn kórgim keledi. Olar buǵan laıyq! Aldaǵy kúnderdi asyǵa kútemin — men daıynmyn», — dedi jańa «Mıss Álem».
Baıqaýda birinshi vıse-mıss ataǵyn Ispanıa ókili Elızabet Reınes, al ekinshi vıse-mıss ataǵyn Malaızıa ókili Taanýsıa Chettı ıelendi. Jalpy, baıqaýǵa álemniń túkpir-túkpirinen 111 qyz qatysty.
Aıta keteıik, «Mıss Álem-2026» baıqaýynda Qazaqstan atynan Baǵym Baltabaeva synǵa tústi. Ol 2024 jyly Miss Qazaqstan ataǵyn ıelengen bolatyn. Alaıda ol halyqaralyq baıqaý fınalynda negizgi júldegerler men jeńimpazdar qataryna ene almady.