Jezqazǵannyń jańa ákimi — buǵan deıin Sátbaev qalasyn basqarǵan Murat Erbolatuly Bóribaev. Jańa basshyny oblys ortalyǵynyń aktıvine Ulytaý oblysynyń ákimi Eset Baıken tanystyrdy. Bul týraly vedomstvonyń Instagram-daǵy resmı paraqshasynda habarlandy, dep jazady infohub.kz saıty.
Murat Bóribaev 1991 jyly dúnıege kelgen. Ol «Metalýrgıa» jáne «Ekonomıka jáne bıznes» mamandyqtary boıynsha bakalavr, sondaı-aq memlekettik menedjment magıstri dárejesine ıe. Bilimin Qaraǵandy memlekettik tehnıkalyq ýnıversıtetinde, Qaztutynýodaǵy Qaraǵandy ekonomıkalyq ýnıversıtetinde jáne Qazaqstan Respýblıkasy Prezıdentiniń janyndaǵy Memlekettik basqarý akademıasynda alǵan.
Jańa ákim eńbek jolyn «Qazaqmys» korporasıasy» JSHS-niń «Qaraǵandysvetmet» ÓB fılıaly «Nurqazǵan» baıytý fabrıkasy bas korpýsynyń 3-razrádty flotasıalyq jumysshysy bolyp bastaǵan.
2011–2012 jyldary ol sol fabrıka basshylyǵynyń ákimshilik korpýsynda is qaǵazdaryn júrgizýshi bolyp qyzmet etti, keıin sol fabrıka bas korpýsynyń baqylaý sehynyń sheberi qyzmetin atqardy.
2012–2013 jyldary Bóribaev «Qazaqmys» korporasıasy» JSHS-niń «Qaraǵandysvetmet» ÓB fılıaly «Nurqazǵan» baıytý fabrıkasy bas korpýsynyń seh bastyǵy boldy. 2013–2014 jyldary «Qazaqmys» korporasıasy» JSHS-niń «Vostoksvetmet» ÓB Orlov kenishi baıytý fabrıkasynyń bas ınjeneri qyzmetin atqardy.
2014–2015 jyldary ol «Qazaqmys» korporasıasy» JSHS-niń «JTM» ÓB Jezqazǵan №1, 2, 3 baıytý fabrıkasynyń №2 bas korpýsynyń sehyn basqardy. 2015–2017 jyldary «Qazaqmys» korporasıasy» JSHS-niń «KTM» fılıaly «Nurqazǵan» baıytý fabrıkasynyń dırektory boldy.
2017–2024 jyldary Murat Bóribaev «Jezqazǵantústimet» ÓB Jezqazǵan №1, 2, 3 baıytý fabrıkasynyń dırektory qyzmetin atqardy. Jezqazǵan ákimi bolyp taǵaıyndalǵanǵa deıin ol Sátbaev qalasyn basqarǵan.