Nepaldaǵy qatty sý tasqynynan zardap shekken aımaqtarda qutqarýshylar jaǵadan shyqqan kólge baılanysty jumysty toqtatýǵa májbúr boldy, dep habarlaıdy infohub.kz saıty.
Qytaı men Nepal bıliginiń málimetinshe, Nepal-Tıbet shekarasyndaǵy kóshkinnen paıda bolǵan kól jaǵadan shyǵa bastaǵan. Bul eki kún buryn kenetten bolǵan sý tasqynynan zardap shekken aýdandarǵa qaýip tóndirýde. Osyǵan baılanysty bılik qutqarý jumystaryn ýaqytsha toqtatýǵa májbúr boldy.
Tıbetpen shekaralas Nepaldyń Rasýva aýdanynyń turǵyndary ózen deńgeıiniń kóterilýinen qashyp, tóbelerge qaraı umtyldy. Nepal bıligi qutqarý jumystaryn keminde 90 mınýtqa toqtatqany aıtylady.
Sonymen qatar, kóldegi bógettiń jarylý qaýpine baılanysty barlyq qytaılyq qutqarýshylar men tehnıka qaýipsiz aımaqqa evakýasıalandy.
Kól sársenbide Tıbettegi Gırong ótkeline laı men qoqys qabyrǵasy qulaǵannan keıin paıda bolyp, sý tasqynyn týdyrdy.
Juma kúni Nepaldaǵy muzdyqtyń opyrylýy saldarynan qaza tapqandar sany 469-ǵa jetkeni rastaldy, taǵy 1300-den astam adam Nepal men Tıbette habar-osharsyz ketken.
Eske salaıyq, buǵan deıin Qytaı men Nepal arasyndaǵy ótkel mańynda kóshkin júrgeni belgili bolǵan edi. Bul jol qozǵalysyna, baılanys pen elektrmen jabdyqtaýǵa áser etti. Keıin myńdaǵan adam habar-osharsyz ketken qatty sý tasqyny týraly habarlandy. İri tasqynnyń sebebi jer silkinisi men odan keıingi kóshkin dep ataldy.
Osydan keıin Qazaqstan SİM azamattarymyz týraly alǵashqy málimetterdi jarıalady. 27 tamyzda týrısik top quramynda Qytaıdan Nepalǵa ótken qazaqstandyq týrısi izdeý bastalǵany belgili boldy. Búgin SİM taǵy bir qazaqstandyq áıeldi izdeý týraly habarlady.