Japonıada ótip jatqan 2026 jylǵy jazǵy Azıa oıyndarynda qazaqstandyq sportshy Nılýfar Raımova qola medal jeńip aldy, dep habarlaıdy infohub.kz saıty.
Ulttyq qurama sapyndaǵy sportshy áıelder kúresinen 57 kelige deıingi salmaq dárejesinde synǵa tústi. Úshinshi oryn úshin beldesýde oǵan Shrı-Lanka sportshysy Netmı Ahınsa Fernando Porýtotage qarsy shyqty.
Birinshi kezeńde-aq qazaqstandyq basymdyqqa qol jetkizip, 5:1 esebimen alǵa shyqty. Úzilisten keıin Raımova upaı jınaýdy jalǵastyryp, taǵy segiz upaı enshiledi. Beldesý onyń 13:1 esebimen tehnıkalyq basymdyqpen merziminen buryn jeńýimen aıaqtaldy.
Osylaısha, Nılýfar Raımova tuǵyrdyń úshinshi satysyna kóterilip, Azıada-2026-da kúresten Qazaqstan qorjynyna taǵy bir qola júlde saldy.
Ulttyq quramanyń taǵy bir ókili Shuǵyla Ómirbek te bul kúni qola medal úshin kúresti. 53 kelige deıingi salmaq dárejesinde qazaqstandyq qytaılyq Chjan Szınmen kezdesti. Qarsylasy 8:2 esebimen jeńiske jetip, beldesýdi tushaǵa túsirýmen aıaqtady. Nátıjesinde Ómirbek Azıa oıyndarynda besinshi orynǵa turaqtady.
Raımova men Ómirbektiń beldesýleri Azıada-2026-da Qazaqstan ókilderiniń kúresten sońǵy jekpe-jekteri boldy. Osylaısha, ulttyq qurama osy sport túrinen óz ónerin aıaqtady.