Nú-Iorktegi federaldy túrmede jazasyn ótep jatqan adam Aláskadan AQSh Ókilder palatasyna saılaýda praımerızden ótti. Bul týraly infohub.kz saıty habarlaıdy.
Demokrat retinde tirkelgen Erık Hafner 2024 jyly da osy orynǵa úmitker bolyp, Aláska demokratıalyq partıasynyń qarsylyǵyna qaramastan, qarasha aıyndaǵy jalpy saılaýǵa qatysýǵa ruqsat alǵan edi. Ol 2022 jyly polısıa qyzmetkerlerine, sýdıalarǵa jáne basqa da adamdarǵa qaýip tóndirgeni úshin kinásin moıyndap, 2036 jyly bosatylady.
Bul jarystaǵy basty úmitkerler — qazirgi ókil, respýblıkanes Nık Begıch jáne komersıalyq balyqshy ári zeınetker muǵalim, táýelsiz úmitker Bıll Hıll. Hafnerdiń jalpy saılaýǵa ótýi taǵy da sot daýyna ákelýi múmkin, sebebi AQSh Konstıtýsıasy boıynsha úmitker saılaý kezinde ókildik etetin shtatynda turýy tıis.
Shtatqa usynǵan úmitkerlik qujattarda ol anasy Kerol Hafnerdiń mekenjaıyn (Ońtústik Dakota, Boks Elder) jáne Nú-Iork telefon nómirin kórsetken. Olardyń ekeýiniń de Aláskaǵa eshqandaı qatysy joq. Kerol Hafner buǵan deıin de saılaýǵa túsip, sátsizdikke ushyraǵan, bıyl Aláskadan Senatqa úmitker retinde qaıta synap jatyr.
Aláskanyń saılaý júıesi boıynsha, partıalyq tıistiligine qaramastan, praımerızdegi alǵashqy tórt oryn jalpy saılaýǵa ótedi. Daýystardyń 93 paıyzy sanalǵanda Erık Hafner 5757 daýys jınady. Bul úshinshi oryndaǵy demokrat Mett Shýlsten aıtarlyqtaı az. Alaıda Shýls jalpy saılaýdan bas tartyp, óte almaıtyn boldy. Tórtinshi oryn áli anyqtalǵan joq.