Qyrkúıek aıynda Qazaqstanda ODKB-nyń «Rýbej-2026» oqý-jattyǵýy ótedi, osyǵan baılanysty úsh óńirdiń joldarynda áskerı tehnıka qozǵalady. QR Qorǵanys mınıstrligi azamattarǵa túsinikteme berdi, dep habarlaıdy infohub.kz saıty.
Qorǵanys vedomstvosynyń málimetinshe, 12-19 qyrkúıek aralyǵynda Jetisý oblysyndaǵy «Kóktal» polıgonynda ODKB-nyń «Rýbej-2026» birlesken oqý-jattyǵýy josparlanǵan. Osyǵan baılanysty 7-30 qyrkúıek aralyǵynda Almaty jáne Jambyl oblystarynyń, sondaı-aq Jetisý oblysynyń aýmaǵynda áskerı tehnıka men jeke quramnyń josparly qozǵalysy júzege asyrylady.
Oqý-jattyǵý barysynda dalalyq sabaqtar ótkiziledi, olardyń aıasynda áskerlerdi qaıta toptastyrý, bólimshelerdi basqarý jáne qoıylǵan mindetterdi oryndaý máseleleri pysyqtalady. Mundaı manevrler turaqty negizde jáne ODKB-ǵa múshe memleketterdiń aýmaqtarynda kezekpen ótkiziletini atap ótildi.
«Azamattardy, BAQ ókilderin jáne áleýmettik jeli qoldanýshylaryn tekserilmegen aqparatty taratpaýǵa jáne resmı kózderde jarıalanǵan málimetterdi basshylyqqa alýǵa shaqyramyz. Qasaqana jalǵan aqparat taratý, sondaı-aq rastalmaǵan derekterdi jarıalaý QR zańnamasyna sáıkes jaýapkershilikke ákep soǵatynyn eskertemiz», — dep qosty mınıstrlikte.