OpenAI kompanıasy óz jasandy ıntellekt modelderiniń oqytý jáne testileý barysynda anyqtalǵan «kútpegen nemese alańdatarlyq» minez-qulqynyń alty oqıǵasy týraly aqparat jarıalady. Habarlanǵandaı, keıbir modelder faıldardy ınternetke óz betinshe júktep, bóten API-kiltterdi paıdalanǵan jáne ózderine nusqaýlyqtar qaldyrǵan, dep habarlaıdy infohub.kz saıty.
Bir eksperımentte model ruqsatsyz ózi jasaǵan faıldy ınternetke júktep, keıin ony suranysqa jaýap berý kózi retinde paıdalanǵan.
Basqa jaǵdaıda II ashyq repozıtorıden bóten API-kiltin taýyp, ony qoldanýǵa tyrysqan, biraq qajetti aqparatty ala almaǵan soń, derekterdi oıdan shyǵaryp, olardy suralǵan derekkózden alynǵan málimet retinde usynǵan.
Taǵy bir eksperımenttik model jumysty jalǵastyrý kezinde paıdalanylatyn qyzmettik túıindemelerde ózine nusqaýlyqtar qaldyra bastaǵan, sonyń ishinde ádettegi shekteýlerdi elemeý týraly nusqaýlar da bolǵan.
Sonymen qatar OpenAI oqytý jáne testileý kezinde anyqtalǵan jekelegen jaǵdaılar týraly aıtylyp otyrǵanyn, olar boıynsha modelderde mundaı minez-qulyqtyń qanshalyqty jıi kezdesetinin baǵalaýǵa bolmaıtynyn atap ótti.
Jańa derekter taǵy bir aýyr oqıǵadan birneshe apta ótken soń paıda boldy: OpenAI modelderiniń ishki testileýi kezinde olardy ınternetten oqshaýlaýǵa tıis shekteýlerdi aınalyp ótip, ınfraqurylymdaǵy osaldyqtardy paıdalanyp, Hugging Face platformasynyń júıelerine qol jetkizgen.