Oralda polıseıler dúkenge jasalǵan tonaý kezinde qarýly qarsylyq kórsetken kúdiktini ustaýda kórsetken erligi úshin marapattaldy, dep habarlaıdy infohub.kz saıty.
İshki ister mınıstrliginiń aqparattyq medıaportalynda atap ótilgendeı, polısıa qyzmetkerleri qylmyskerdi ustaý kezinde kórsetken kásibıligi men erligi úshin vedimistik nagradalarǵa ıe boldy.
Batys Qazaqstan oblysy polısıa departamentiniń bastyǵy Arman Orazalıev Oral qalalyq polısıa basqarmasynda qyzmet etetin polısıa kapıtany Erkebulan Jumaqashev pen polısıa aǵa serjanty Berik Luqpanovqa «Qazaqstan polısıasyna 30 jyl» tósbelgilerin tabys etti.
Saltanatty shara barysynda vedomstvo basshysy tártip saqshylarynyń qyraǵylyǵy men jedeldigin erekshe atap ótip, adal qyzmeti men qoǵamdyq qaýipsizdikti qamtamasyz etýge qosqan úlesi úshin alǵys bildirdi.
Eske salaıyq, oqıǵa 31 shildede Oraldaǵy dúkenderdiń birinde bolǵan. Betperde kıgen belgisiz bireý satýshyǵa pyshaq kórsetip, kasadaǵy aqshany alyp, oqıǵa ornynan qashyp ketken. Jedel-izdestirý is-sharalary barysynda polısıa qyzmetkerleri shóp arasynda jasyrynyp jatqan er adamdy baıqaǵan.
Onyń jeke basyn anyqtaýǵa tyrysqan kezde kúdikti qarýly qarsylyq kórsetip, polıseılerge pyshaqpen shabýyl jasaǵan, alaıda ony jedel zalalsyzdandyryp, ustaǵan. Oqıǵa saldarynan eshkim zardap shekken joq.