Vengrıanyń burynǵy premer-mınıstri Vıktor Orban saıası kúreske qaıta oralatynyn jáne qazirgi úkimet basshysy Peter Madárdyń kabınetine qarsy turýdy kózdep otyrǵanyn málimdedi, dep habarlaıdy infohub.kz saıty.
Orban bul málimdemesin Keche qalasynda saıası maýsymnyń ashylýyna oraı ótken sharada jasady.
«Biz shydamdy boldyq. Múmkin, qajet bolǵanynan da artyq. Olardyń ózin ustaǵanyn eskersek, ádil de boldyq — múmkin, ol da qajet bolǵanynan artyq shyǵar. Bes aı ótti. Bul kezeń aıaqtaldy. Barlyǵy bitti, soǵan núkte qoıyldy. Bulaı jalǵasa bermeıdi. Ulttyq qarsylyq ýaqyty keldi. Shydamnyń da, ádil qarym-qatynastyń da, birjaqty ym-ısharalardyń da shegine jettik. Qolǵapty kóterip, kúresý kerek», — dedi eks-premer.
Orbannyń aıtýynsha, Vengrıadaǵy ońshyl kúshter eldiń egemendi bolǵanyn qalaıdy, al Madár úkimeti ony «Eýroodaq otaryna» aınaldyrmaq.
«Olar ekonomıkany — biz azappen qaıtadan vengrlikke aınaldyrǵan vengr ekonomıkasyn: energetıka salasyn, bank sektoryn, telekomýnıkasıany — bárin sheteldikterge qaıtarady. Aqsha elden ketedi. Olar iri vengr kompanıalaryn kúıretip, sheteldikterge tapsyrady», — dedi ol Brússeldi otarlaýshy dep atap.
Aıta keteıik, ótken aptada Peter Madár Vengrıanyń jańa Konstıtýsıasyn ázirleý bastalǵanyn habarlaǵan edi. Premerdiń aıtýynsha, ol eldegi ozbyrlyqqa tosqaýyl qoıady.