Sony men Marvel kompanıalarynyń Tom Holand qatysqan blokbasteri Soltústik Amerıka prokatynda ekinshi demalys kúnderi boıynsha úshinshi nátıje kórsetti. Fılmniń álemdik kasalyq jıyny 1,67 mlrd dollarǵa jetti, dep habarlaıdy infohub.kz saıty.
«Órmekshi-adam: Jańa kún» fılmi áserli kasalyq kórsetkishterin jalǵastyrýda. Soltústik Amerıkadaǵy ekinshi demalys kúnderinde kartına 145 mln dollar jınady. Bul nátıje AQSh prokaty tarıhyndaǵy úshinshi iri kórsetkish bolyp, tek «Juldyzdy soǵystar: Kúshtiń oıanýy» jáne «Mstıtelder: Fınal» fılmderinen ǵana keıin tur.
Rekordtyq alǵashqy demalys kúnderimen salystyrǵanda jıynnyń tómendeýi 60 paıyzdan az boldy, bul aýqymdy blokbaster úshin tabysty kórsetkish sanalady. On kún ishinde AQSh pen Kanadada fılmniń jıyny 655 mln dollarǵa jetti. Halyqaralyq prokatta fılm Soltústik Amerıkadan tys jerlerde 1 mlrd dollar mejesin baǵyndyrǵan tarıhtaǵy ekinshi jyldam kartına atandy.
Tom Holand qatysqan franshızanyń tórtinshi bóliminiń jalpy álemdik jıyny 1,67 mlrd dollardan asty. Bul fılmge 2026 jyldyń eń tabysty relızi mártebesin nyǵaıtýǵa jáne tarıhtaǵy eń kiristi kartına tiziminde 12-orynǵa kóterilýge múmkindik berdi. Sarapshylar lentanyń senimdi prokatyn jalǵastyratynyn kútýde.