Qyrǵyzstan, Tájikstan jáne Ózbekstan basshylary Hýdjandta kezdesip, memlekettik shekaralardyń naqty belgilenýine qatysty kelisimge keldi. Sonymen qatar, úsh el arasynda máńgi dostyq týraly deklarasıaǵa qol qoıyldy.
Shekaralardyń túıisý núktesi – Ózbekstannyń Ferǵana, Qyrǵyzstannyń Batken jáne Tájikstannyń Soǵdy oblystarynyń qıylysynda ornalasqan. Bul másele 17 jyl boıy talqylanyp, taraptar ortaq mámilege endi ǵana keldi.
Kelisim aıasynda Qyrǵyzstandaǵy Kempir-Abad (Andıjan) sý qoımasy Ózbekstanǵa berildi. Óz kezeginde, Tashkent shekara mańyndaǵy keıbir aýmaqtardy Qyrǵyzstanǵa qaıtardy. Sondaı-aq, Qyrǵyzstan men Tájikstan arasynda jer almasý júrgizilip, sý resýrstaryn ortaq paıdalaný týraly ýaǵdalastyqqa qol jetkizildi.