Qaraǵandy oblysy Osakarov aýdany máslıhatynyń tóraǵasy onlaın-jınalys barysynda elektrondyq temekimen kóringen soń aıyppul salyndy. Sheneýniktiń beınejazbasy áleýmettik jelilerge tarap, keıin polısıa qyzmetkerleri onyń jeke basyn anyqtady, dep habarlaıdy infohub.kz saıty.
Beınejazbany polıseıler áleýmettik jelilerdi monıtorıńileý kezinde tapty. Kadrlarda er adam qyzmettik kabınetinde otyryp, beınebaılanys arqyly jınalysqa qatysyp, elektrondyq temekini baıqatpaı shegýge tyrysqan.
Polısıa beınejazbada Osakarov aýdany máslıhatynyń tóraǵasy beınelengenin anyqtady. Tekserý qorytyndysy boıynsha ol ákimshilik jaýapkershilikke tartylyp, aıyppul salyndy.
Qaraǵandy oblysy polısıa departamenti laýazymnyń zańnamany saqtaýdan bosatpaıtynyn atap ótti.
«Osy fakti boıynsha ol ákimshilik jaýapkershilikke tartylyp, aıyppul salyndy. Qaraǵandy oblysy polısıa departamenti atap ótedi: laýazym, mártebe nemese qoǵamdyq jaǵdaı zańnama talaptaryn saqtaý mindetinen bosatpaıdy. Zań men tártip barlyǵyna birdeı – eshkimge de erekshelik joq», – dedi polısıada.
Osakarov aýdandyq máslıhatynyń tóraǵasy Qanat Kelgenuly Saqqulaqov, gov.kz saıtyndaǵy aqparatqa sáıkes, aýdandyq búdjetti, damý baǵdarlamalaryn bekitip, olardyń oryndalýyn baqylaıtyn jergilikti ókildi organdy basqarady.
Buǵan deıin Kursiv LifeStyle Japonıada sheneýnik onlaın-baspasóz konferensıasyna qonaqúıden qatysqany úshin jazalanǵanyn jazǵan. Beıneqońyraý kezinde ol halat kıip, temeki shegip, boljam boıynsha, súıiktisimen áńgimelesken.