Búgin, 5 tamyzda, Óskemen qalasy tabıǵat apatynyń erkinde qaldy: nóser jańbyr, burshaq jáne sekýndyna 25 metrge jetetin jel qalany sharpydy. Qala ákimi Almat Aqyshov aýa raıynyń saldary týraly jedel aqparattandyrdy, dep habarlaıdy infohub.kz saıty.
Ákimniń aıtýynsha, daýyl 15-ke jýyq aǵashty qulatqan, al qala boıynsha 25 myń abonent jaryqsyz qalǵan. «Barlyq másele jeke baqylaýymda, barlyq jedel brıgadalar qazir jumys istep jatyr. Eń qysqa merzimde bári joıylady, elektr jaryǵy beriledi, barlyq jol ótkelderin aǵashtardan tazartamyz», — dep sendirdi Almat Aqyshov Instagram-daǵy paraqshasynda.
Qala basshysy avarıalyq-qalpyna keltirý jumystarynyń qalaı júrip jatqanyn da kórsetti. Áleýmettik jelilerde turǵyndar tabıǵat apatynyń fotosýretteri men beınejazbalaryn belsendi túrde jarıalaýda: kadrlarda aǵashtardyń qatty jeldiń qysymynan ıilgeni kórinedi.
Óskemendikterge erekshe áser etken — burshaq, onyń mólsheri kýágerlerdiń aıtýynsha, taýyq jumyrtqasynyń kólemine jetken.