1 shildedegi jaǵdaı boıynsha Ózbekstanda densaýlyq saqtaý jáne áleýmettik qyzmet kórsetý salasynda sheteldik kapıtaly bar 234 kásiporyn jumys isteıdi. Mundaı kompanıalar sany boıynsha Túrkıa (36) jáne Reseı (34) kósh bastady, dep habarlaıdy infohub.kz saıty.
Úshinshi orynda Qytaı men Úndistan – árqaısysynda 25 kásiporyn. Odan keıin Ońtústik Koreıa 18, Qazaqstan 16 jáne Ázirbaıjan 9 kompanıamen tur. Sondaı-aq salada AQSH-tyń qatysýymen 8, BAÁ kapıtalymen 6, Qyrǵyzstan men Japonıadan 4-ten kásiporyn jumys isteıdi. Taǵy 49 kompanıa basqa memleketterdiń ınvestorlaryna tıesili.