Oqıǵa Emirates áýekompanıasynyń Sıdneıge bet alǵan ushaǵynda boldy. Jolaýshylarǵa buzaqyny tynyshtandyrý úshin kúsh qoldanýǵa týra keldi, dep habarlaıdy infohub.kz saıty.
Halyqaralyq reıstiń bir jolaýshysy aınalasyndaǵylarǵa orynsyz jáne agressıvti minez kórsete bastady. Ózderi men ekıpajdy qorǵaý úshin basqa jolaýshylar er adamdy ushaq salonynda ustap tastaýǵa májbúr boldy.
The Daily Telegraph basylymynyń málimetinshe, buzaqyny qozǵaltpaı, plasık kabel qysqyshtarymen oryndyqqa baılap tastaǵan. Er adam osy baılaýly kúıde ushýdyń qalǵan bóligin, ıaǵnı shamamen alty saǵat ótkizdi. Oqıǵa eki qabatty Airbus A380 laınerinde bolǵan.
Ushaq ushqyshtary aldyn ala radıobaılanys arqyly jerdegi qyzmettermen baılanysyp, quqyq qorǵaý organdarynyń súıemeldeýin suraǵan. Beısenbi kúni keshke ushaq Sıdneıdegi Kıngsford Smıt atyndaǵy halyqaralyq áýejaıǵa aman-esen qondy, onda ushý-qoný jolaǵynda Avstralıa federaldy polısıasynyń qyzmetkerleri kútip turǵan edi.
Quqyq qorǵaýshylar bortqa kóterilip, er adamdy qamaýǵa aldy. Tilshiler polısıa qyzmetkerleriniń ustalǵan adamnyń jeke zattaryn halyqaralyq termınaldyń kelý aımaǵynan ótkizip jatqanyn tirkedi. Qolda bar aqparatqa sáıkes, Avstralıa bıligi men polısıa bul oqıǵany jolaýshynyń psıhıkalyq densaýlyǵyna baılanysty problemalary týyndaǵan jaǵdaı retinde qarastyrýda. Qazir oqıǵanyń barlyq mán-jaıy anyqtalýda.