Павлодардан баласын медициналық тексеруден өткізуге келген отбасы Алматыда пәтер жалдап, жайлы тұрудың орнына қорлық пен қауіп-қатерге тап болды. Бұл туралы infohub.kz сайты хабарлайды.
NUR.KZ-тің мегаполис полиция департаментіне сілтеме жасап хабарлауынша, отбасы баласын тексеру кезінде тұрғын үй жалдаған, алайда пәтердің жағдайы жарияланған шарттарға сай болмаған. Тұрғындар жағымсыз пікір қалдырған соң, олармен байланысып, пікірді жоюды талап еткен. Әңгіме қорлық пен қауіп-қатермен аяқталды.
Алмалы ауданының полициясы оқиғаға қатысы бар 31 жастағы ер адамды анықтады. Материалдар сотқа жіберілді, сот шешімімен ер адам ұсақ бұзақылық жасағаны үшін кінәлі деп танылып, 10 тәулікке қамауға алынды.
«Полиция еске салады: кез келген тұрмыстық келіспеушілік тек құқықтық аяда шешілуі тиіс. Қауіп-қатер, қорлық және қорқыту әрекеттері құқықтық бағасыз қалмайды», — деп қосты ведомствода.