Pavlodar oblysynda polısıa jergilikti JSHS-tiń alty qyzmetkeri qaza tapqan oqıǵaǵa baılanysty úsh kúdiktini ustady, dep habarlaıdy infohub.kz.
Eske salaıyq, 20 shildede Pavlodar oblysy Aqtoǵaı aýdanynyń Jolaman aýylynda káriz qudyǵyndaǵy elektr sorǵysyndaǵy aqaýlardy joıý kezinde alty adam qaza tapty. Taǵy bir adam aýrýhanaǵa jatqyzyldy.
Oblystyq polısıa departamenti sol kezde qylmystyq is qozǵalǵanyn habarlaǵan, biraq málimetter jarıalanbady.
11 tamyzda Pavlodar oblysy PD baspasóz qyzmeti bul fakti boıynsha tergeý basqarmasy sotqa deıingi tergeý júrgizip jatqanyn málimdedi.
Qylmystyq is aıasynda barlyq mán-jaıdy anyqtaýǵa baǵyttalǵan keshendi tergeý sharalary júrgizilýde. Qazirgi ýaqytta úsh kúdikti ustalyp, ýaqytsha ustaý ızolátoryna qamaldy. Qazaqstan Respýblıkasy Qylmystyq prosestik kodeksiniń 201-babyna sáıkes, tergeý múddesine baılanysty ózge aqparat jarıalanýǵa jatpaıdy, — dep habarlady PD.