Pavlodar oblysynda aýyr jol-kólik oqıǵasy bolyp, saldarynan toǵyz adam, onyń ishinde alty bala zardap shekti. Oqıǵa 31 shilde men 1 tamyz aralyǵyndaǵy túnde Ekibastuz – Pavlodar tas jolynda bolǵan. Jeńil kóliktiń júrgizýshisi rúlge ıe bola almaı, aryqqa aýdarylyp ketken, dep habarlaıdy infohub.kz saıty.
Pavlodarnews.kz basylymynyń málimetinshe, oqıǵa ornyna úsh jedel járdem brıgadasy shuǵyl jetken. Jol apatynan toǵyz adam zardap shekken: úsh eresek jáne alty bala. Bir er adam medısınalyq tekserýden bas tartqan, qalǵandary – áıel, er adam, eki ul jáne tórt qyz – ártúrli jaraqattarmen Ekibastuz qalalyq aýrýhanasyna jatqyzylǵan.
Keıin úsh bala men eresekter tekserýden ótip, ambýlatorıalyq emge jiberilgen. Alaıda 11 jasar bala reanımasıaǵa túsip, dárigerler oǵan jabyq bas-mı jaraqatyn, keýde qýysynyń jabyq jaraqatyn jáne kóptegen syzattardy anyqtaǵan. Balanyń jaǵdaıy turaqtalǵan soń, ony travmatologıa bólimshesine aýystyrǵan. Onyń jaǵdaıy ortasha aýyrlyq dárejesinde dep baǵalanýda.