Pavlodarda júrgizýshiler saıabaqtyń birinde jaıaý júrginshiler aımaǵymen júrgeni úshin jaýapkershilikke tartyldy, dep habarlaıdy infohub.kz saıty.
Pavlodar oblysy polısıa departamentiniń Instagram-paraqshasynda Metalýrgter saıabaǵynda jol qozǵalysy erejeleriniń buzylýy áleýmettik jelilerdi monıtorıńileý barysynda anyqtalǵany — vıdeo Instagram-da jarıalanǵany habarlandy.
«Beınejazbada Kia K5 markaly kóliktiń júrgizýshisi jaıaý júrginshilerge arnalǵan trotýarmen júrgeni tirkelgen. Sonymen qatar, Gazel markaly kóliktiń júrgizýshisi de osyndaı buzýshylyqqa jol bergen. Buzýshylar anyqtaldy. Jaıaý júrginshiler jolymen, jol jıegimen jáne trotýarmen júrgeni úshin júrgizýshiler jaýapkershilikke tartyldy», — dedi Pavlodar qalasy polısıa basqarmasy patrúldik polısıa batalónynyń komandıri Jandos Baıkenov.
Polısıa saıabaqtar men basqa da qoǵamdyq oryndardyń aýmaǵy eń aldymen azamattardyń qaýipsiz demalýyna arnalǵanyn eske salady. Júrgizýshiler jol qozǵalysy erejeleriniń talaptaryn qatań saqtap, jaıaý júrginshilerdiń qaýipsizdigin qurmetteýi qajet.